هسيبك مع نفسك
- انا مبقتش طايق النضارة .
- تلاقي نظرك اتحسن .
- دلوقتى بس عرفت ادم كان بيحس بإيه وهو عايش فى الجنة .
- بس اوعى تعمل زيه وتسيب الجنة .
- المفروض الابناء ما يكرروش اخطاء الاباء معقول تبقى الجنة بين ايديا واسيبها !
- يعنى نويت تفضل هنا على طول ؟
- ياريت يا خوخة ياريت .
- وايه اللى يمنعك ؟
- الف حاجة و حاجة .
- طب قولي حاجة واحدة
- وظيفتي مثلا .
- بقى خايف تضيع منك وظيفة صغيرة ومش خايف تضيع منك الجنة بحالها ؟!
- انا صحيح موظف صغير دلوقتي بس بعد 20 سنة هبقى مدير عام .
- موت يا حمار .
- والله لو صبرت 50 سنة عشان ابقى مدير هصبر .
- انت ليه مهتم اوي بحكاية المدير العام دي ؟
- وعد...وعد اديته لابويا الله يرحمه قبل ما يموت اصل كان نفسه يبقى مدير عام ومقدرش...وهو على فراش الموت قولتله موت يا بابا وانت مرتاح انا هبقى مدير عام بدالك .
- وابوك مات مرتاح ؟
- اخر راحة .
- ومش حرام هو يموت مرتاح وانت تعيش مش مرتاح...خليك صريح مع نفسك...لو نزلت مصر هتعيش مستريح ؟...انا هسيبك مع نفسك تفكر واللي تحكم بيه انا راضية بيه .
--------------------------------
خرج و لم يعد ١٩٨٤
سيناريو و حوار عاصم توفيق
اخراج محمد خان
#نفسيتي #أخصائي_نفسي #خرج_ولم_يعد #هسيبك_مع_نفسك
Comments