مقتل سلمي بهجت
كلاكيت تاني مرة ... مقتل سلمي بهجت !!!!!!!
فين فريد الديب دلوقتي؟
يعني لما دافعت عن قاتل نيره أشرف وقاعد تظهر للناس ان في ثغرات وهيطلع براءة او يخفف عليه الحكم وللاسف خليت قاعده كبيره من الناس تناصر فكرة انه مظلوم ..بمبررات سخيفه و غير مقبولة بالمرة .. زي انها مش محجبه/ ديه بتسافر لوحدها /هي اللي عشمته يا تري ده كمان هتوجدله نفس المبررات ؟!!!!
فين الناس اللي بتناصر القاتل؟
هتدافعوا عن ده كمان ازاي و بإيه.. امراضكوا النفسيه هتطلعوها ازاي علي البنت المسكينه اللي لا حول ليها و لا قوة دلوقتي
وبالنسبه للقاتل بتقول ايه لنفسك عشان ترضي ضميرك كنت بساعدها في دراستها ؟! ولا ياسيدي حتي حبيتها ورفضتك او اهلها رفضوك ده يديلك حق انك تقتل روح بريئه لسه بتبدأ حياتها ؟!
فين الازهر ؟
فين التوعيه الدينيه للشباب ولاد /بنات ويبقي في دورات وندوات مجانا في كل منطقه وفي كل الجامعات وفيديوهات تتنشر علي كل المنصات لتعريف الناس بالايات والاحاديث الخاصه بالاحسان والعفو وكيفيه بناء علاقه سليمه بين الناس وسرد كل المواقف الطيبه بين المسلمين والمسلمات والاقباط واليهود
فين تواجد الاخصائين النفسيين والاجتماعيين في كل الجامعات والمعاهد للحد من السلوكيات السيئه وتعديل الافكار الدخيله والغربيه علي مجتمعنا اللي ولادنا في فتره المراهقه بيتأثروا بيها و بتأثر علي سلوكايتهم و مشاعرهم
ياريت نتحرك و كل واحد يقوم بدوره اللي ربنا وصاه بيه
#نفسيتي #أخصائي_نفسي #fyp #مقتل_سلمي_بهجت #انقذوا_اولادكم #مقتل_نيره_أشرف
Comments